संवैधानिक परिषद्को बैठक सोमबार बस्ने

नेपालभ्युज

काठमाडौं । संवैधानिक परिषद्को बैठक सोमबार बस्ने भएको छ । शनिबार बिहान प्रधानमन्त्री पुष्पकमल दाहाल र विपक्षी दलका नेता केपी ओलीबीच सहमति भएपछि बैठक बोलाइएको हो ।

बैठक सोमबार अपराह्न पाँच बजेका लागि बोलाइएको उक्त बैठकमा सर्वोच्च अदालतका प्रधानन्यायाधीश नियुक्तिको सिफारिस हुनसक्ने सम्भावना रहेको छ ।

यसअघि वैशाखको पहिलो साता बसेको संवैधानिक परिषद्‍को बैठकमा प्रधानन्यायाधीश नियुक्तिका लागि सिफारिस हुन सकेको थिएन ।

कामु प्रधानन्यायाधीश हरिकृष्ण कार्की प्रधानन्यायाधीशको रोलक्रममा छन्।

संवैधानिक परिषद्‍मा प्रधानमन्त्रीसहित विपक्षी दलको नेता, प्रधानन्यायाधीश, सभामुख, राष्ट्रिय सभाको अध्यक्ष र प्रतिनिधिसभाको उपसभामुख रहने व्यवस्था छ ।