आईपीएल: लगातार पाँच हारपछि दिल्लीको पहिलो जित, दिल्ली अझै पुछारमा

बिहीबार घरेलु मैदानमा भएको ‘लो स्कोरिङ’ खेलमा कोलकता नाइट राइडर्सलाई ४ विकेटले पराजित गर्दै दिल्लीले हारको श्रृंखला अन्त्य गरेको छ।

नेपालभ्युज

एजेन्सी। इन्डियन प्रिमियर लिग (आईपीएल) २०२३ मा लगातार पाँच हारपछि दिल्ली क्यापिटल्सले पहिलो जित निकालेको छ।

बलरहरुको उत्कृष्ट प्रदर्शन र कप्तान डेविड वार्नरको अर्धशतकमा दिल्लीले पहिलो जित हात पारेको हो। बलिङमा दिल्लीका इशान्त शर्मा, एनरिक नोर्किअ, अक्षर पटेल र कुलदिप यादवले समान २ विकेट लिए। मुकेश कुमारले १ विकेट लिए।

पहिलो जितपछि ६ खेलबाट २ अंक जोडेको दिल्ली अझै अंक तालिकाको पुछारमै छ । कोलकताको भने यो लगातार तेस्रो र समग्रमा चौथो हार हो। ६ खेलबाट ४ अंक जोडेको कोलकता आठौं स्थानमा छ।