काठमाडौं । राष्ट्रिय स्वतन्त्र पार्टीकी नेतृ तथा निवर्तमान स्वास्थ्य राज्यमन्त्री डा. तोसिमा कार्कीले आफूहरुले जहिले पनि जनमतको सम्मान गर्ने बताएकी छिन् ।
प्रधानमन्त्री प्रचण्डलाई राजीनामा बुझाएपछि कार्कीले सत्तामा रहेपनि नरहेपनि जनमुखी मुद्दाहरुमा सधैँ उभिने बताएकी हुन्। उनले निडर नेता तथा सभापति रवि लामिछानेको साथमा देशमा सुशासन, सुनिती, समृद्धि र इमानको नेतृत्व स्थापित गर्ने अभियानमा रहेको पनि उल्लेख गरेकी छिन् ।
गृहमन्त्री नपाएपछि हिजो आइतबार राष्ट्रिय स्वतन्त्र पार्टीले सरकारबाट बाहिरिने निर्णय गरेको थियो । निर्णयपछि राति नै मन्त्रीहरुले राजीनामा दिएका छन् । तोसिमा कार्कीले लेखेकी छिन्-
जनमतको सदा सम्मान गर्छौँ गर्नेछौँ |
हामी जहाँ रहेपनि जनमुखी मुद्दाहरुमा सधैँ ऊभिनेछौँ |
जनता जनार्दनलाई शिरोपर गरी जनतामै आएका छौँ |
निडर लिडर रवि लामिछाने सभापतिज्युको साथमा मुलुकमा सुशासन सुनिती समृद्दी र ईमानको नेतृत्व स्थापित गर्ने अभियानमा छौँ| रहन्छौँ |
जय देश| जय जनता | जय घण्टी |
Facebook Comment
Comment