बलिदान दिवसको अवसरमा मधेस प्रदेशमा आज सार्वजनिक बिदा

जनकपुरधाम । मधेस प्रदेशमा आज बलिदान दिवस मनाइँदैछ । प्रदेश सरकारले दिवसका अवसरमा आज सार्वजनिक दिएको छ।

प्रदेश राजपत्रमा उल्लेखित बलिदान दिवसको अवसरमा माघ ५ गते सार्वजनिक बिदा दिइएको हो ।

प्रथम मधेस आन्दोलनको क्रममा सिरहाको लहानमा रमेश महतोले शहादत पाएको स्मरण गर्दै बलिदानी दिवस मनाउँने गरिएको छ । प्रथम  मधेस आन्दोलनको  १६ वर्ष पूरा भएको छ ।

आन्दोलनका क्रममा लहानस्थित लिटिल स्टार बोर्डिङ स्कुलमा अध्यनरत सिरहा मझौराका विद्यार्थी रमेश महतो पहिलो शहीद भएका थिए । त्यसपछि मधेसभर आन्दोलन चर्किएको थियो ।

प्रदेश सरकारसहित मधेस केन्द्रित दलले विभिन्न कार्यक्रम गरि बलिदानी दिवस मनाउँदै छन् ।