प्रकाशशरण महतले मलाई झम्टन खोजेको भन्ने समाचारमा सत्यता छैन : पूर्णबहादुर खड्का

नेपालभ्युज

काठमाडौं। नेपाली कांग्रेसका उपसभापति पूर्णबहादुर खड्काले पार्टी प्रवक्ता डा. प्रकाशशरण महत र आफ्नो विषयमा सामाजिक सञ्जालमा आएका विषय सत्य नभएको प्रष्टीकरण दिएका छन् ।

आफूहरूबीच मुद्दामा फरक तरिकाले बहस मात्र भएको सामाजिक सञ्जाल ट्विटरमार्फत स्पष्ट पारेका छन् ।

उनले लेखेका छन्, ‘बालुवाटारमा पार्टी प्रवक्ता डा. प्रकाशशरण महतले मलाई झम्टेको, हातपात गर्न कोशिस गरेको भनी सञ्चारमाध्यम र सामाजिक सञ्जालमा केही दिनदेखि सम्प्रेषण भएको विषयमा मेरो गम्भीर ध्यानाकर्षण भएको छ । यो कुरा सत्य होइन । केही मुद्दामा फरक तरिकाको बहस हामी साथीहरूबीच भएको मात्र हो ।’