काठमाडौं। जाडो मौसम सुरु भएसँगै दमका बिरामीहरूलाई समस्या झन् बढ्दै जान्छ। जाडोमा दमका बिरामीलाई स्वास फेर्न पनि गाह्रो हुने गर्छ । चिसोसँग दमका बिरामी त बच्नु नै पर्छ साथै केही यस्ता खानेकुरा पनि छन् जसबाट यस्ता बिरामीहरू टाढै रहन जरुरी छ ।
कृतिम स्विटनर
कृतिम स्विटनर (जंकफुड) को सेवनले यस्ता बिरामीहरूलाई समस्या उत्पन्न हुन्छ । दम तथा एलर्जी फाउन्डेसन अफ अमेरिकाद्वारा प्रकाशित एक रिपोर्टमा भनिएको छ, दमका बिरामीहरूले कृतिम गुलियो कुराहरू मिसाएर बनाएका खानेकुरा खाँदा समस्या उत्पन्न हुन सक्छ । उनीहरूमा दम बढेर स्वासप्रस्वासमा समस्या समेत देखिएको बताएको छ ।
मादकपदार्थ सेवन
दमका रोगीहरू जाँडरक्सी तथा वाइन सेवन गर्नबाट टाढै रहनुपर्छ । जाडो समयमा यसरी मादकपदार्थको सेवन कहिलेकाहीँ दम आक्रमणको कारण पनि बन्न सक्छ।
प्याक तथा प्रशोधित खानेकुरा
दमका रोगीहरूले प्याक गरेका तथा प्रशोधित खानेकुराहरू खानबाट बच्नुपर्छ । यस्ता खानेकुरामा गरिएका क्यामिकलहरू दमका रोगीहरूका लागि एलर्जीको कारण बन्न सक्छ । जसले दम बढ्ने सम्भावना अधिक हुन्छ । यस्तो खाना जसमा सल्फाइटको मात्रा हुने गर्छ त्यसको सेवनले तपाईंलाई गम्भीर समस्या उत्पन्न गराउन सक्छ ।
अचारको सेवन
दमका बिरामीहरूले अधिक मात्रामा अचारको सेवन गर्नु पनि खतरनाक मानिन्छ । धेरै अचार खाँदा तपाईंलाई दमको अट्याक हुने खतरा रहन्छ । अचारलाई लामो समय खराब हुनबाट जोगाउन प्रयोग गरिने तत्वले दमका रोगीहरूलाई बेफाइदा गर्दछ ।
ज्यादा बोसो भएको खानेकुरा
दमका रोगीहरूले धेरै बोसो भएको खानेकुरा खानबाट बच्नुपर्छ । दमका रोगीहरूले रातो मासु, मिठाइहरू, तथा अन्य खानेकुरा जसमा धेरै फ्याट भएका खानेकुरा खानु हुँदैन । यस्तो खानेकुरा एकदमै हानिकारक मानिन्छ ।
दमका बिरामीले माथि उल्लेखित खानेकुरा खानबाट बच्नुपर्छ । जाडो मौसममा दमको समस्या बढेमा स्वास लिन समस्या, धेरै खोकी लाग्नु तथा घाँटी सुन्निने लगाएको समस्याहरू देखिन सक्छ ।
यस्तो बेलामा बिरामीले धेरै चिसो खानेकुरा खान तथा चिसोमा बस्नु हुँदेन ।
Facebook Comment
Comment