मेयर साम्पाङलाई दलित आयोगले भन्यो- आत्मालोचना गर्नुहोस्

काठमाडाैं  । धरान उपमहानगरका मेयर हर्क साम्पाङले सामाजिक संजालमा जातियताको विषय उठाएर कटाक्ष गरेपछि दलित आयोगले अभिव्यक्ति सच्याउनुपर्ने माग गरेको छ । बुधबार आयोगले एक विज्ञप्ति जारी गर्दै यस्तो माग गरेको हो ।

मंगलबार मेयर साम्पाङले आफ्नो फेसबूकमा कसैप्रति कटाक्ष गर्दै ‘बल होइन बुद्धि लगा चमारे बुद्धि’ भन्ने अभिव्यक्ति दिएपछि राष्ट्रिय दलित आयोगले अभिव्यक्ति सच्याउनुपर्ने माग गरेको हो  ।

आयोगले कुनै जातप्रति (चमारप्रति) अपमान हुने अभिव्यक्ति दिँदा त्यसको गम्भीर नकारात्मक असर पार्ने भन्दै  मेयर  साम्पाङलाई अभिव्यक्ति सच्याइ दलित समुदायप्रति पर्न गएको चोटका लागि आत्मालोचना गर्न अनुरोध समेत गरेको छ ।

विज्ञप्तिमा भनिएको छ, ‘जनताको प्रतिनिधि र स्थानीय सरकारको प्रमुखजस्तो गरिमामय पदमा आसिन व्यक्तिले संविधान, प्रचलित मूल्य मान्यता र अन्तर्राष्ट्रिय मानवअधिकारको भावना र मर्मविपरीत चमार समुदायप्रति अपमान गर्नुले समाजमा नकारात्मक असर पर्ने भएकाले आत्मालोचना गर्न अनुरोध गर्दछौं ।’

यो पनि 

जातीय कटाक्ष गरेपछि मेयर साम्पाङको चर्को आलोचना, अपराध पुष्टि भए जेल सजाय हुनसक्ने