सुर्खेत। कालिकोटमा डोजर दुर्घटना हुँदा दुई जनाको मृत्यु, तीन जना वेपत्ता, तीन जना घाइते भएका छन् । डोजर कर्णाली करिडोर अन्तर्गतको कालिकोट जिल्लाको सान्नी त्रिवेणी गाउँपालिका–१ अधेरी खोला भीरमा दुर्घटना भएको हो ।
फुकोट कर्णाली जलविद्युत् आयोजनाको निर्माणधिन सुरुङभित्रको पानीको अवस्था चेकजाँच गरी फर्कने क्रममा डोजर दुर्घटना भएको जिल्ला प्रहरी कार्यालय कालिकोटले जनाएको छ ।
डोजरमा आठ जना सवार रहेको दुर्घटनामा परी दुई जनाको मृत्यु भएको, तीन जना कर्णाली वेपत्ता भएको र तीन जना घाइते भएको कालीकोका प्रहरी प्रमुख डीएसपी जयेश्वर रिमालले बताए ।
डोजर कर्णाली करिडोर नजिकै ८० मिटर तल कर्णाली नदीमा खसेको छ । दुर्घटनामा परेर सान्नी त्रिवेणी गाउँपालिका त्रिवेणी गाउँपालिका–१ का ३० वर्षीया चरित्र सार्की, १६ वर्षीया युवराज बुढाको मृत्यु भएको जिल्ला प्रहरी कार्यालय कालिकोटले जनाएको छ ।
डोजर चालक कैलाली घर बताउने कमल सोडारी, सान्नी त्रिवेणी गाउँपालिका– १ का १९ वर्षीया उमेश गिरी र १४ वर्षीया रक्तिम कार्की वेपत्ता भएका छन् ।
त्यस्तै, रास्कोट नगरपालिका–७ का २२ वर्षीया मिलन शाही, खाँडाचक्र नगरपालिका– ११ बराँतु गाउँका १४ वर्षीया आशिष भारती र विकास भारती घाइते भएको प्रहरीले जनाएको छ ।
घाइतेको जिल्ला अस्पताल कालीकोटमा उपचार भइरहेको प्रहरीले जनाएको छ ।
Facebook Comment
Comment