तोसिमाको उम्मेदवारी खारेजीको माग गर्दै निर्वाचन आयोग पुन: सर्वोच्चमा

काठमाडौं । राष्ट्रिय स्वतन्त्र पार्टीबाट ललितपुर–३ कि उम्मेदवार डा.तोसिमा कार्कीको मनोनयन कायम राख्ने  सर्वोच्च अदालतको आदेशप्रति असहमति प्रकट गर्दै निर्वाचन आयोग पुनः सर्वोच्चमा पुगेको छ ।

आयोगले सर्वोच्चका न्यायाधीश डा. कुमार चुडालको एकल इजलासबाट गरिएको प्रारम्भिक व्याख्यामा असहमति जनाउँदै त्यसको खारेजीको माग राखी शुक्रबार निवदेन दिएको हो ।

सर्वोच्च अदालतबाट आदेश र म्याद तामेल नहुँदै अनौपचारिक रुपमा त्यसको कानूनी प्रतिवाद गर्ने तयारी थालेको निर्वाचन आयोगले म्याद बुझेको केही घण्टामै अन्तरिम आदेश खारेज हुनुपर्ने माग राखी निवेदन दिने निर्णय गरेको थियो ।

निर्वाचन आयोगले विभिन्न आधार लिएर रास्वपाको ललितपुर–३ की उम्मेदवार कार्की लाभको पदमा नै रहेको जिकिर गरेको छ ।

अदालतले कात्तिक १५ गते प्रारम्भिक सुनुवाइपछि ललितपुर-३ मा राष्ट्रिय स्वतन्त्र पार्टीकी उम्मेदवार कार्कीको उम्मेदवारी तत्काल खारेज नगर्न आयोगलाई अन्तरिम आदेश दिएको थियाे ।

ललितपुर जिल्ला क्षेत्र नं.३ बाट पहिलो हुने निर्वाचित हुने निर्वाचन प्रणालीतर्फ प्रतिनिधिसभा सदस्य उम्मेदवार डा.तोसिमा कार्कीको उम्मेदवारीका विषयमा सर्वोच्च अदालतबाट २०७९।७।१५ मा भएको अन्तरिम आदेश बदर गरीपाउँ भनी शुक्रबार निर्वाचन आयोगले सर्वोच्च अदालतमा निवेदन गरेको छ।

— Election Commission Nepal (@ECNOfficial) November 4, 2022