मिटरब्याजमा ऋण लगाउनेहरू धमाधम पक्राउ पर्दै

नेपाल प्रहरीको केन्द्रीय अनुसन्धान ब्युरो (सीआईबी) ले मिटरब्याजमा ऋण दिने थप एक जनालाई पक्राउ गरेको छ। मंगलबार बिहान काठमाडौंबाट लालबहादुर खड्का पक्राउ परेका हुन्।

नेपालभ्युज

काठमाडौं। नेपाल प्रहरीको केन्द्रीय अनुसन्धान ब्युरो (सीआईबी) ले मिटरब्याजमा ऋण दिने थप एक जनालाई पक्राउ गरेको छ। मंगलबार बिहान काठमाडौंबाट लालबहादुर खड्का पक्राउ परेका हुन्।

सीआईबी स्रोतका अनुसार खड्काले चर्को ब्याजमा ऋण दिएका थिए। सरकारले केही दिन अघि देशभरबाट मिटरब्याजी पीडितहरूलाई उजुरी दिन भनेपछि मिटरब्याजीहरूको भागाभाग छ। यसअघि नवलपुरका मिटरब्याज लगाउने साहु सुनिल बानियाँ र जगदीश बानियाँ पक्राउ परेका थिए।

हालसम्म देशभरबाट १ हजार ९ सय ३७ मिटरब्याज पीडितहरूको उजुरी परेको छ। यता काठमाडौंको माइतीघरमा न्यायको माग गर्दै पश्चिम नवलपरासीका मिटरब्याजीबाट पीडितहरू करिब ३ हप्तादेखि धर्ना दिइरहेका छन् ।