SKIP

जापानका विदेशमन्त्री कामिकावाको काठमाडौं भ्रमण, हनुमानढोकामा बुद्धको मूर्ति किनेपछि प्रचण्डसँग भेट

प्रधानमन्त्री प्रचण्ड भेट्नुअघि उनले काठमाडौँको वसन्तपुर क्षेत्रको अवलोकन गरेकी थिइन् । त्यहाँ कालभैरव, हनुमानढोका र नेपाली सांस्कृतिक सम्पदा तथा वस्तुहरूको अवलोकन गरेकी थिइन् । अवलोकनपछि बुद्धको मूर्ति किनिन् ।

नेपालभ्युज

काठमाडौं । प्रधानमन्त्री पुष्पकमल दाहाल ‘प्रचण्ड’ र जापानका विदेशमन्त्री कामिकावा योकोबीच दुई पक्षीय हितका बारेमा छलफल छ । एक दिने नेपाल भ्रमणमा आएकी जापानी विदेश मन्त्रीले प्रधानमन्त्री प्रचण्डसँग भेट गरेकी हुन् ।

उपप्रधान एवं परराष्ट्रमन्त्री नारायणकाजी श्रेष्ठको निमन्त्रणामा जापानी विदेशमन्त्री आइतबार काठमाडौं आएकी हुन् । प्रधानमन्त्री प्रचण्ड भेट्नुअघि उनले काठमाडौँको वसन्तपुर क्षेत्रको अवलोकन गरेकी थिइन् ।

त्यहाँ उनले कालभैरव, हनुमानढोका र नेपाली सांस्कृतिक सम्पदा तथा वस्तुहरूको अवलोकन गरेकी थिइन् । अवलोकनपछि उनले बुद्धको मूर्ति किनेकी छिन् । जापानको विदेशमन्त्री नियुक्त भएपछि उनको यो पहिलो नेपाल भ्रमण हो ।

विदेशमन्त्री कामिकावा भ्रमण सम्पन्न गरी आइतबारै राति नेपाल वायु सेवाको विमानमार्फत् जापानका लागि प्रस्थान गर्ने कार्यक्रम छ ।