काठमाडौं । काठमाडौं महानगरपालिकाका मेयर बालेन्द्र शाहले आमरण अनशनमा रहेकी निहारिका राजपूतलाई भेटेका छन् । शाहले शनिबार शिक्षण अस्पताल पुगेर निहारिकालाई भेटेको
तस्बिर सामाजिक सञ्जालमा शेयर गर्दै यस्तो प्रश्न गरेका हुन् ।
उनले बच्चाको डीएनए टेस्ट गर्ने सामान्य माग पूरा नभएर एउटी आमाले जल्न तयार हुनु पर्ने हो ? भन्दै रोष प्रकट गरेका छन् ।
‘आफ्नो बच्चाको डिएनए टेस्ट गरिदे मात्रै त भनेको रैछ । यति गर्न एउटी आमाले जल्न तयार हुनु पर्ने ? यो अति हो । यो अत्याचार हो । कानूनी राज्य यस्तो हुँदैन । अभिभावक भनिने राज्य यस्तो हुनु हुँदैन ।’ उनले फेसबुकमा लेखेका छन् ।
अस्पतालमा करिब १० मिनेट कुराकानी गरेका बालेनले निहारिकाको न्यायको लडाईँमा आफ्नो सहयोग र सद्भाव रहने प्रतिवद्धता जनाउँदै कानूनी सहायता गर्ने आश्वासन समेत दिएका थिए ।
निहारिकाले आफुलाई न्याय चाहिएकोले आफूलाई सहयोग गरिदिन आग्रह गरेकी थिईन् ।
Facebook Comment
Comment