काठमाडौं। फ्रेन्चाइज क्रिकेट प्रतियोगिता नेपाल टी–ट्वान्टी लिगको टिम घोषणा भएको छ।
आयोजक नेपाल क्रिकेट संघ (क्यान) ले सोमबार एक कार्यक्रमका बिच लिग खेल्ने ६ मध्ये ४ टिमको आधिकारीक घोषणा गरेको हो।
लिगमा कान्तिपुर क्यापिटल, लुम्बिनी अल स्टार्स, विराटनगर सुपर किङ्स र जनकपुर रोयल्सले प्रतिस्पर्धा गर्नेछन्।
कान्तिपुरको टिम मालिकमा महेश्वर स्वार, लुम्बिनीको संजय शर्मा, विराटनगरको विक्रम यादव र जनकपुरका टिम मालिकमा गौरी शंकर धामनी छन्। पहिलो संस्करणको प्रतियोगितामा ६ टोलीले प्रतिस्पर्धा गर्नेछन्।
बाँकी दुई टिमको नाम र मालिक चाँडै सार्वजनिक गरिने क्यानका अध्यक्ष चतुर बहादुर चन्दले जानकारी दिए।
क्यानले पहिलोपटक फ्रेन्चाइज लिगको रुपमा नेपाल टी–ट्वान्टी लिगको आयोजना गर्न लागेको हो। लिगमा सहभागी हुने ६ शहरका फ्रेन्चाइज टिम किन्नका लागि क्यानले यसअघि नै दर्खास्त आह्वान गरेको थियो।
नेपाल टी–ट्वान्टी लिग आगामी ८ असोजदेखि ५ कार्तिकसम्म आयोजना हुनेछ।
लिगलाई अन्तराष्ट्रिय क्रिकेट परिषद् (आईसीसी) ले पनि मान्यता दिइसकेको छ।
Facebook Comment
Comment