कांग्रेस र माओवादीले सेटिङमा लाभ लिए : डा. बाबुराम भट्टराई

डा. भट्टराईले यसपटकको स्थानीय चुनावमा धाँधली भएको बताए। बच्चाले फोहोर गरेजसरी लोकतन्त्रमा पनि केही फोहोर रहेको उनको भनाइ छ। तर, पूर्णरुपमा खराब भएको भन्न नमिल्ने उनको तर्क छ।

नेपालभ्युज

काठमाडौं। पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईले गठबन्धनमा नेपाली कांग्रेस र नेकपा माओवादी केन्द्रले सेटिङ गरेको आरोप लगाएका छन्।

प्रतिनिधिसभा बैठकपछि पत्रकारहरुसँग कुरा गर्दै डा. भट्टराईले स्थानीय चुनावमा भएको पाँच दलीय गठबन्धनको लाभ कांग्रेस र माओवादी केन्द्रले मात्रै लिएको बताए। गठबन्धनमा दुई दलले मात्रै लाभ लिने गरी सेटिङ भएको उनको भनाइ छ।

डा. भट्टराईले स्थानीय चुनावमा गठबन्धन गर्न नहुने पक्षमा शुरुदेखि नै रहेको भन्दै अहिले पनि आफू त्यसको विरुद्धमा रहेको बताए। उनले सेटिङ गरेर कांग्रेस र माओवादीले लाभ लिए पनि सोचेझैँ अगाडि नगएको दाबी गरे।