आईपीएल- लखनउले दिल्लीलाई ६ विकेटले हरायो

इन्डियन प्रिमियर लिग (आइपिएल)मा लखनउ सुपर जायन्ट्स विजयी भएको छ। लखनउ सुपर जायन्ट्सले दिल्ली क्यापिटल्सलाई हराएको हो। मुम्बईमा गए राति भएको खेलमा लखनउ दिल्लीलाई ६ विकेटले हराउँदै दोस्रो स्थानमा उक्लिएको छ।

नेपालभ्युज

काठमाडौं। इन्डियन प्रिमियर लिग (आइपिएल)मा लखनउ सुपर जायन्ट्स विजयी भएको छ। लखनउ सुपर जायन्ट्सले दिल्ली क्यापिटल्सलाई हराएको हो। मुम्बईमा गए राति भएको खेलमा लखनउ दिल्लीलाई ६ विकेटले हराउँदै दोस्रो स्थानमा उक्लिएको छ।

दिल्लीले दिएको १ सय ५० रनको लक्ष्य लखनउले १९ ओभर ४ बलमा ४ विकेट गुमाएर भेट्टायो। लखनउको जितमा क्विन्टन डी ककले ८० रनको अर्धशतकीय पारी खेले।

दिल्लीका कुलदीप यादवले दुई विकेट लिए। यसअघि पहिले ब्याटिङ गरेको दिल्लीले २० ओभरमा तीन विकेट गुमाएर १ सय ४९ रन बनाएको थियो। दिल्लीका पृथ्वी शले ६१ रनको अर्धशतकीय पारी खेले।

लखनउका रवि बिशोइले दुई तथा कृष्णपा गोथामले एक विकेट लिए। जितसँगै लखनउको ४ खेलमा ६ अङ्क भएको छ। दिल्ली तीन खेलमा दुई अङ्क जोडेर सातौँ स्थानमा छ।