न्यूजिल्याण्डसँग पनि भारतको लज्जास्पद हार

नेपाल भ्यूज

न्यूजिल्याण्डसँग पनि भारतको लज्जास्पद हार

काठमाडौं । जारी टी-ट्वान्टी विश्वकपमा भारतले लगातार दोस्रो खेलमा हार बेहोरेको छ।

दुबई इन्टरनेशनल स्टेडियममा भएको खेलमा भारत न्यूजिल्याण्डसँग ८ विकेटले पराजित भयो। टस हारेर ब्याटिङको निम्तो पाएको भारतले निर्धारित २० ओभरमा ७ विकेट गुमाउँदै मात्र १ सय १० रन मात्र बनाउन सक्यो।

भारतका लागि रवीन्द्र जडेजाले सर्वाधिक २६ रन बनाए। उनले ओपनर केएल राहुल १८ तथा इसन किसन ४ रनमै आउट भए भने रोहित शर्माले १४ र विराट कोहलीले जम्मा ९ रन बनाउन सके। आज भारतका कोही पनि ब्याटसम्यानले ३० रन कटाउन सकेनन्।

न्यूजिल्याण्डका ट्रेन्ट बलले तीन विकेट लिन सफल भए। त्यस्तै इस सोधीले दुई विकेट लिए।

१ सय ११ रनको झिनो लक्ष्य पछ्याएको न्यूजिल्याण्डले ३३ बल बाँकी छँदै लक्ष्य पूरा गर्‍यो। यस क्रममा उसका लागि डेरी मिचेलले ४९ रन बनाए। अर्धशतकबाट १ रनले चुकेका उनले यस क्रममा ३५ बल सामना गरे। त्यस्तै मार्टिन गुप्टिल ३० तथा डेभन कोनवेले नटआउट २ रन जोडे।

जारी विश्वकपमा न्यूजिल्याण्डको यो पहिलो जित हो। भारत भने लगातारको हारपछि संकटमा परेको छ। पाकिस्तानसँग पनि फराकिलो अन्तरले हारेको भारत आजको लज्जास्पद हारपछि समूह चरणबाटै बाहिरिने खतरा बढेको छ।

Leave a Reply

Your email address will not be published.

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved