छोरी अनन्याको लभ लाइफबारे के भन्छन् चंकी पाण्डे ?

काठमाडौं । बलिउड अभिनेता चंकी पाण्डेले आफ्नी छोरी अनन्या पाण्डेको व्यक्तिगत जीवनको बारेमा कुरा गरेका छन् ।

एक अन्तर्वार्तामा चंकीले आफ्नी २५ वर्षीया छोरीलाई आफूले नियन्त्रणमा नराख्ने र आफ्नो निर्णय आफैँले लिन दिने बताएका छन् ।

चंकीले अनन्याको बलिउडमा आफैंले ठाउँ बनाएकोमा प्रशंसा गरेका छन् ।

अन्तर्वार्तामा चंकीलाई आदित्य रोय कपुरसँग अनन्याको सम्बन्धबारे प्रश्न सोधिएको थियो । यसबारे उनले भने, ‘मलाई यसमा कुनै समस्या छैन । अनन्या २५ वर्षकी भइन् र मभन्दा धेरै पैसा कमाइरहेकी छिन् । उनीहरू जे चाहन्छन् गर्न सक्छन् । २५ वर्षकी छोरीलाई केही भन्न म कसरी हिम्मत गर्न सक्छु ।’

चंकीलाई अनन्याले फिल्ममा इन्टिमेट सीन गर्नमा कुनै समस्या छैन । उनले भने, ‘म यससँग सहमत छु । हलिउड फिल्ममा पनि यस्ता दृश्य देखेको छु । यसमा कुनै हानि छैन र हामीले यसलाई स्वीकार गर्नुपर्छ।’

छोरीहरूले सल्लाह माग्छन् कि भनेर सोध्दा उनले भने, ‘मेरा दुवै छोरी आमा भावनासँग नजिक छन् । जब उसलाई केहि चाहिन्छ उसले मलाई कल गर्छ। उनीहरूलाई मेरो सल्लाह चाहिएमा म उपलब्ध छु।’

वर्कफ्रन्टको कुरा गर्ने हो भने अनन्याले सन् २०१६ मा फिल्म ‘स्टुडेन्ट अफ द इयर २’ बाट बलिउडमा डेब्यु गरेकी थिइन् ।

गत वर्ष उनी ‘ड्रिमगर्ल-२’ र ‘खो गए हम कहाँ’ जस्ता फिल्ममा देखिएकी थिइन् । अहिले उनी ‘कन्ट्रोल’ र ‘शंकरा’ जस्ता फिल्मको सुटिङ गरिरहेकी छिन् ।

लभ लाइफको कुरा गर्ने हो भने अनन्या आजकाल आदित्य रोय कपूरलाई डेट गरिरहेकी छिन् । दुवैले अहिलेसम्म आफ्नो सम्बन्धलाई औपचारिक रूपमा सार्वजनिक नगरे पनि धेरै अवसरमा सँगै देखिएका छन् ।

अनन्याले पनि गत वर्ष आदित्य रोय कपुरसँग माल्दिभ्समा आफ्नो जन्मदिन मनाएकी थिइन् ।