काठमाडौं । पाकिस्तानको रावलपिंडीस्थित अदियाला जेलमा दुईवटा मुद्दामा सजाय काटिरहेका पूर्वप्रधानमन्त्री इमरान खानले आफ्नी पत्नी बुशरा बीबीलाई खानामा विष हालेर दिइएको आरोप लगाएका छन् ।
इमरानले अस्थायी अदालतमा सुनुवाइका क्रममा यी आरोप लगाएका हुन् ।
बानीगालास्थित आलिशान घरमा नजरबन्दमा रहेकी बुशरालाई खानामा विष हालेर दिएको खानले बताए ।
बुशरालाई कुनै नोक्सान भए सेना प्रमुख जनरल असिम मुनीर जिम्मेवार हुने खानले चेतावनी दिए ।
करिब ४५ मिनेटको सुनुवाइका क्रममा इमरानले न्यायाधीश नासिर जावेद राणालाई भने, ‘मेरी श्रीमतीलाई विष दिइएको छ । यस विषका कारण बुशराको शरीर र जिब्रोमा दाग देखा परेको छ । यसको पछाडि कसको हात छ मलाई थाहा छ ।’
‘‘यदि बुशरालाई केही भयो भने पाकिस्तानी सेना प्रमुख जनरल असिम मुनीर जिम्मेवार हुनेछन् ।’ खानले थप भने ।
सुनुवाइमा बुशरा पनि उपस्थित थिइन् । उनले भनिन्, ‘मलाई सामाजिक सञ्जालमा अमेरिकी एजेन्ट भनिएको छ । मलाई मेरो खानामा तीन थोपा ट्वाइलेट क्लिनर मिसाइएको थियो । यसपछि मलाई समस्या हुन थाल्यो ।’
Facebook Comment
Comment