काठमाडौँ। हरेक वर्ष फाल्गुन शुक्ल प्रतिपदाका दिन शेर्पा समुदाय तथा हिमाली जिल्लामा बसोबास गर्ने बौद्ध धर्मावलम्बीले मनाउने सांस्कृतिक पर्व ग्याल्पो ल्होसार आज विविध कार्यक्रम गरी देसभर मनाइँदैछ ।
नयाँ वर्षका रूपमा शेर्पा समुदायले आज २१५१ औँ ग्याल्पो ल्होसार मनाउन लागेका हुन् । ग्याल्पो ल्होसारलाई मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र बराह गरी १२ वर्गमा विभाजन गरिएको छ । मुसाबाट सुरु हुने वर्षहरू बँदेल (बराह) वर्षमा पुगेर सकिन्छ ।
यो पाली खरायो बर्ष सकिएर ड्रागन वर्ष सुरु हुँदैछ।
नेपालको हिमाली क्षेत्रमा बसोबास गर्ने शेर्पा समुदायले १५ दिनसम्म यो पर्व मनाउँदछन् । शेर्पा समुदायले ल्होसार सुरु हुनु एक महिना अघि नै आ-आफ्नो घर रङ्गाउने, सफा गर्ने र नयाँ लुगाफाटो किन्ने गर्दछन्।
पुस १५ मा गुरुङ समुदायले तमु र माघ शुक्ल प्रतिपदाका दिन तामाङ समुदायले सोनाम ल्होसारका नाममा यो पर्व मनाउँने गरेका छन्।
हेर्नुहोस् ग्याल्पो ल्होसारका अवसरमा बौद्धनाथ क्षेत्रमा देखिएको रौनक
Facebook Comment
Comment