काठमाडौं । अध्यागमन कर्मचारीसँग भएको कुटाकुट विवादमा विमानस्थलका तीनजना प्रहरी सरुवा भएका छन् ।
कारबाहीका लागि सिफारिस भएका प्रहरी सहायक निरीक्षक सञ्जय तामाङ, प्रहरी जवान रविरञ्जन गुप्ता र राजकुमार महतोलाई विमानस्थलबाट सरुवा गरिएको हो ।
१२ माघमा विमानस्थलको अराइभलबाट डिपार्चरतिर गएका त्रिभुवन अन्तर्राष्ट्रिय विमानस्थल अध्यागमन कार्यालयका अधिकृत छायाँलाल मोक्तानमाथि हातपात भएको थियो ।
मेटल डिटेक्टर भएको स्थानमा उनलाई चेकजाँच गर्न खोज्दा मोक्तानले आफू ‘अधिकृत भएको’ बताउँदै जाँच नगरी हिँड्न खोजेका थिए ।
त्यसक्रममा उनले अपशब्द समेत बोलेको प्रहरीको दाबी छ । त्यसपछि हात हालाहाल भएको थियो ।
छानबिन समितिले प्रहरीलाई कारबाही गर्नुपर्ने निष्कर्ष निकालेपछि विमानस्थल प्रहरी प्रमुख डीआईजी अर्जुन चन्दले असहमति जनाउँदै राजीनामा गरेका थिए ।
तर, स्वीकृत भए । उनले प्रहरी जवानलाई पुरस्कृत गर्नुपर्ने बताउँदै आएका थिए ।
Facebook Comment
Comment