काठमाडौं । यो साताको नेप्से परिसूचक २९ दशमलव ३६ अंकले बढेको छ । यस साताको सेयर बजार कारोबारको पहिलो दिन अर्थात् गत आइतबार नेप्से परिसूचक ५ दशमलव ३१ अंकले घटेको थियो ।
तर, त्यसयता नेप्से लगातार सामान्य अंकसहित बढिरहेको थियो । समीक्षा अवधिमा यस साताको कारोबार रकम १४ अर्ब ३० करोड पुगेको छ ।
साताको कारोबारको पहिलो दिन आइतबार ३०७ कम्पनीका ७० हजार ७ सय ९० पटकको कारोबारमा ९ करोड २७ लाख २ हजार ७ सय ८२ कित्ता सेयर खरिद बिक्री भएको छ । जसमा कारोबार रकम भने ३ अर्ब २१ करोड ६७ लाख २७ हजार २ सय २१ रुपैयाँ रहेको थियो ।
सोमबार सेयर बजार दोहोरो अंकले बढेको थियो । त्यस दिन नेप्से परिसूचक १४ दशमलव ५७ अंकले बढेर २०७६ दशमलव २७ विन्दुमा पुगेको थियो । जसमा कारोबार रकम २ अर्ब ४३ करोड ८० लाख रुपैयाँ बराबरको कारोबार भएको छ ।
मंगलबार नेप्से परिसूचक ९ दशमलव ४४ अंकले बढेर २०८५ दशमलव ७१ को विन्दुमा पुगेको थियो । जसमा कारोबार रकम भने २ अर्ब ५९ करोड १५ लाख ३४ हजार ५ सय ७ रुपैयाँ रहेको थियो ।
बुधबार सेयर बजार परिसूचक ४ दशमलव ९२ अंकले बढेर २०९० दशमलव ६४ को विन्दुमा पुगेको थियो । जसमा कारोबार रकम भने २ अर्ब ८४ करोड २५ लाख ५० हजार २ सय ३७ रुपैयाँ रहेको थियो ।
कारोबारको अन्तिम दिन अर्थात् आज नेप्से परिसूचक ५ दशमलव ७४ अंकले बढेर २०९६ दशमलव ३८ को विन्दुमा पुगेको छ ।
बिहीबार कारोबार रकम ३ अर्ब २१ करोड २२ लाख ८३ हजार ४ सय ५३ रुपैयाँ रहेको छ ।
Facebook Comment
Comment