काठमाडौं। कारोबार हुने साताको अन्तिम दिन बजार परिसूचक नेप्से ३०.९२ अंकले घटेको छ ।
बुधबार पनि नेप्सेमा २१ अंकको गिरावट आएको थियो । बिहीबार ३०.९२ अंकले घटेर नेप्से २ हजार ६७ बिन्दुमा झरेको नेपाल स्टक एक्सचेन्जले जनाएको छ ।
नेप्सेमा बिहीबार ४ अर्ब १८ करोड ६ लाख रुपैयाँ बराबरको १ करोड १५ लाख १४ हजार कित्ता सेयर किनबेच भएको छ ।
जम्मा १९ कम्पनीको मूल्य बढ्यो भने २२६ कम्पनीको घटेको छ । एउटा कम्पनीको भने स्थिर रह्यो । बिहीबार ‘क’ वर्गको सेन्सेटिभ इन्डेक्स समेत ४.६९ अंकले घट्दै ३७३.९३ अंकमा झरेको छ ।
फाइनान्स बाहेकका सबै समूह घटेका छन् । फाइनान्स भने ०.२१ प्रतिशतमा सकारात्मक रह्यो । हाइड्रोपावर समूह सबैभन्दा धेरै २.३ प्रतिशत घट्यो । बैंकिङ १४, विकास बैंक ५२, होटल तथा पर्यटन ४२, हाइड्रोपावर ६२, जीवन बीमा १३६, उत्पादन ७८, माइक्रोफाइनान्स ५४, निर्जीवन बीमा १२५, अन्य ३६ र ब्यापार ०.४७ अंक घटे ।
समाज लघुवित्तको मूल्य सबैभन्दा धेरै ६.१ प्रतिशत बढ्यो । रावा इनर्जीको ३.८, दोल्ती पावरको २.९ प्रतिशत मूल्य बढ्यो । सामलिङ पावरको ९.४, मिडसोलु हाइड्रोको ६.८, मोलुङ हाइड्रोपावरको ६.४, थ्रीस्टार हाइड्रोको ६.१ र पिपुल्स हाइड्रोपावरको ५.८ प्रतिशतले मूल्य घट्यो ।
Facebook Comment
Comment