बालकुमारी प्रदर्शन : झोलामा बोकेको मोबाइलले गोली छेकेर जोगियो एक विद्यार्थीको ज्यान

नेपालभ्युज

काठमाडौं । ललितपुरको बालकुमारीमा प्रदर्शनकारीमाथि प्रहरीले चलाएको गोली मोबाइल फोनले रोकेर एक विद्यार्थीको ज्यान जोगिएको छ ।

भौतिक पूर्वाधार तथा यातायातमन्त्री प्रकाश ज्वालाको गाडीमा आगजनी भएपछि प्रदर्शनकारीमाथि प्रहरीले बल प्रयोग गरेको थियो ।

प्रहरीको कुटाईबाट एक जना विद्यार्थीको ज्यान गएको छ, भने एक जना गम्भीर घाइते भएका छन् । एक जना विद्यार्थीतिर प्रहार भएको गोली भने झोलामा रहेको मोबाइलले रोकेको छ ।

सुजनको मृत्युले शोकमा दैलेखको महाबु : ढल्यो ‘विधवा’ आमाको खम्बा, बेसहारा भए भाइबहिनी

गोली लागेपछि झोलामा रहेको मोबाइलमा प्वाल परेको छ । रोजगार अनुमति प्रणाली (ईपीएस) परीक्षाको विषयलाई लिएर युवा प्रदर्शनमा उत्रिएका हुन् । प्रदर्शनकारी उग्र भएपछि प्रहरीले गोली, अश्रुग्यास र लाठी प्रहार गरेको थियो ।