नेपालको संविधान दिवसमा अमेरिकी विदेशमन्त्रीले दिए शुभकामना

काठमाडौं । संविधान दिवसको अवसरमा अमेरिकाले नेपाल र नेपालीलाई शुभकामना दिएको छ ।

नेपालको संविधान दिवस, २०८० का अवसरमा शुभकामना दिँदै विदेशमन्त्री एन्थोनी ब्लिंकेनले दुवै देशको सम्बन्ध विस्तारले दुई देशबीच एकअर्कामा बुझ्न, सद्भाव र विश्वास विस्तारमा कोशेढुंगाको काम गरेको बताएका छन् ।

विदेशमन्त्री ब्लिंकेनले सन्देशमा भनेका छन्, ‘अमेरिकी जनताको तर्फबाट म नेपाली जनतालाई संविधान दिवसका अवसरमा हार्दिक बधाई ज्ञापन गर्दछु। आज हामी यस्तो विशेष दिन मनाउँदैछौँ, जसले हामीहरूबीचको सम्बन्ध र प्रतिबद्धताको नवीकरणमा अतुलनीय भूमिका निर्वाह गर्दै दुई देशबीच शान्ति, सहकार्य र पारस्परिक समृद्धिको विस्तार गर्नेछ।’

नेपालले हासिल गरेको उपलब्धि र दुई देशबीचको लामो मैत्रीपूर्ण सम्बन्धलाई यो क्षणमा स्मरण गरेको उनले उल्लेख गरेका छन् ।

‘अमेरिकी सरकार र नागरिकको तर्फबाट म तपाईंहरू सम्पूर्णमा हार्दिक शुभकामना व्यक्त गर्दछु’, विदेशमन्त्री ब्लिंकेनद्वारा जारी सन्देशमा उल्लेख छ।

Happy Constitution Day, Nepal! We join Nepalis in honoring the remarkable progress of your nation. The U.S. is proud to be your friend, with trust and goodwill between our peoples ushering us into a brighter future. https://t.co/Kbxf9cUOoD

— State_SCA (@State_SCA) September 19, 2023