काठमाडौं । नेपाल कम्युनिष्ट पार्टी (एकिकृत समाजवादी) का अध्यक्ष तथा पूर्व प्रधानमन्त्री माधवकुमार नेपालले सबै खालका भ्रष्टाचारको छानबिन गरेर दोषिलाई कारबाही हुनुपर्ने बताएका छन् ।
आज सोमबार स्विट्जरल्याण्डको जेनेभा प्रस्थान गरेका नेपालले सबै प्रकारका भ्रष्ट्राचार एवम् अनियमितताको निष्पक्ष छानविन गरी दोषी उपर कडा कारबाही हुनुपर्छ र मुलुकमा शुसासन कायम गर्नुपर्छ भन्ने कुरामा दृढ मान्यता रहेको बताएको उनको सचिवालयले जनाएको छ ।
हिजो सर्वोच्च अदालतबाट भएको फैसलाका सन्दर्भमा माधव नेपाल जानकार रहेको पनि सचिवालयले उल्लेख गरेको छ ।
नेपाल प्रवासी नेपाली एकता मन्च युरोपद्वारा स्वीट्जरल्याण्ड लगायतका विभिन्न देशहरूमा आयोजना हुने पूर्व निर्धारित विभिन्न कार्यक्रमहरूमा सहभागी हुन टर्किस एअरको विमानद्वारा आज विहान साढे ७ बजे इस्तानवुल हॅुदै माधव नेपाल जेनेभा प्रस्थान गरेका हुन् । उनि भदौ १ गते स्वदेश फर्किने कार्यक्रम रहेको छ ।
Facebook Comment
Comment