कोशीका मुख्यमन्त्री थापाले लिए शपथ, माओवादीबाट गौतम मन्त्री बने

नेपालभ्युज

विराटनगर। कोशी प्रदेशका मुख्यमन्त्री उद्धव थापाले पद तथा गोपनीयताको शपथ लिएका छन् । बुधबार प्रदेश प्रमुखको कार्यालयमा प्रदेश प्रमुख परशुराम खापुङबाट उनले शपथ लिएका हुन् ।

सभामुख बाबुराम गौतमलाई राजीनामा गराएर उनको समर्थनमा थापा मंगलबार पुन: मुख्यमन्त्री भएका थिए । तीन जना मन्त्रीले पनि शपथ लिएका छन्

माओवादी केन्द्रका बाबुराम गौतम आर्थिक मामिला तथा योजनामन्त्री बनेका छन् । उनले सभामुखबाट हिजो राजीनामा दिएका थिए ।

त्यस्तै, खानेपानी, सिँचाइ तथा ऊर्जामन्त्रीमा कांग्रेसका प्रदीपकुमार सुनुवार र सडक पूर्वाधार तथा भौतिक विकासमन्त्रीमा नेकपा (एकीकृत समाजवादी) का कमलप्रसाद जबेगुले शपथ लिएका छन् ।