नागरिक उड्डयन प्राधिकरणलाई भवनको नक्सा पेश गर्न महानगरको ३५ दिने सूचना

नेपालभ्युज

काठमाडौं। काठमाडौं महानगरपालिकाले नेपाल नागरिक उड्डयन प्राधिकरणलाई सिनामंगलस्थित भवनको नक्सा ३५ दिनभित्र पेश गर्न अल्टिमेटम दिएको छ ।

महानगरको शहरी विकास विभागका प्रमुख सुरज शाक्यले एक विज्ञप्ति जारी गर्दै काठमाडौं-९ मा निर्माण भएको प्राधिकरणको भवन प्रचलित कानुनबमोजिम नक्सा पास भए, नभएको विवरण पेश गर्न निर्देशन दिएका हुन् ।

३ जेठमा एक सूचना निकाल्दै महानगरपालिकाले आफ्नो क्षेत्रभित्र पर्ने सबै घर, भवनको नक्सा अद्यावधिक गर्न, नक्साको विवरण पेश गर्न निर्देशन दिएको थियो । प्राधिकरणलाई सोही सूचनाअनुसार महानगरले नक्साको विवरण माग गरेको हो ।