मूख्य दलले नै लेखा परीक्षण रिपोर्ट सार्वजनिक गरेनन्, आयोगले गर्‍यो ताकेता

नेपालभ्युज

काठमाडौं। ८२ वटा राजनीतिक दलले लेखा परीक्षण प्रतिवेदन सार्वजनिक नगरेको पाइएको छ ।

निर्वाचन आयोगका अनुसार नेपाली कांग्रेस, नेकपा एमाले, नेकपा माओवादी केन्द्र लगायत ८२ वटा दलले लेखा परीक्षण प्रतिवेदन सार्वजनिक गरेका छैनन् ।

आयोगमा दर्ता कायम रहेका राजनीतिक दलहरूले आर्थिक वर्ष समाप्त भएको छ महिनाभित्र कानुन बमोजिम इजाजत प्राप्त लेखा परीक्षकबाट लेखा परीक्षण गराई एक महिनाभित्र आयोगमा सो लेखा परीक्षण प्रतिवेदन पेस गर्नुपर्ने कानूनी व्यवस्था छ ।

आयोगले आर्थिक वर्ष २०७८/७९ को लेखा परीक्षण प्रतिवेदन ७ दिनभित्र सार्वजनिक गरी त्यसको विवरण आयोगमा पेश गर्न भनेको छ ।

आयोगले पार्टीको लेखा परीक्षण वेबसाइट, आमसञ्चारका माध्यम, सामाजिक सञ्जालबाट सार्वजनिक गर्नुपर्ने जनाउँदै यसरी सार्वजनिक गरेको विषय आयोगलाई बुझाउन पनि निर्देशन दिएको हो ।