काठमाडौं । शिक्षक सेवा आयोगले निम्न माध्यमिक तह, तृतीय श्रेणी, शिक्षक पदको खुला प्रतियोगितात्मक लिखित परीक्षा (सामान्य) को नतिजा प्रकाशन गरेको छ । सातै प्रदेशबाट ६७ हजार १८० जना परीक्षार्थी सहभागी रहेको उक्त परिक्षा वैशाख ९ गते लिइएको हो ।
आयोगले सार्वजनिक गरेको नतिजा अनुसार १३ हजार ९३९ जनाले मात्रै सामान्य परीक्षा पास गरेका छन् । जुन २०.७४ प्रतिशत हो ।
सुदूरपश्चिम प्रदेशबाट ८ हजार ८६९ जनाले परीक्षा दिएकोमा जम्मा १ हजार ६८४ जनाले मात्रै उत्तीर्ण भएका छन् । कर्णाली प्रदेशबाट ६ हजार ५९८ जनामध्ये १ हजार २३१ जना उत्तीर्ण भएका छन् ।
लुम्बिनी प्रदेशबाट ६ हजार ६७२ जना सहभागी भएकोमा १ हजार १८१ जना उत्तीर्ण भएको आयोगले जनाएको छ । यस्तै, गण्डकी प्रदेशबाट ११ हजार ७२८ जना सहभागी भएकोमा २ हजार ८५५ जना उत्तीर्ण भएको बताइएको छ ।
बागमती प्रदेशबाट ११ हजार ६०६ परीक्षार्थी सहभागी भएकोमा २ हजार ८०३ जना, मधेस प्रदेशबाट ६ हजार २१० जना परीक्षा सहभागी भएकोमा १ हजार १०० जना र कोशी प्रदेशबाट १५ हजार ५९७ जना सहभागी भएकोमा ३ हजार ८५ जना परीक्षार्थी उत्तीर्ण भएको आयोगले जनाएको छ।
विषयगत परीक्षा ९ भदौमा हुने आयोगले जनाएको छ ।
Facebook Comment
Comment