ओखरको तेल स्वास्थ्यका लागि वरदान

एजेन्सी। औषधीय गुणहरूले भरिपूर्ण ओखर स्वास्थ्यका लागि एकदमै  लाभदायक हुन्छ । साथै, यो छाला तथा कपालको लागि पनि फाइदाजनक छ । आज हामी ओखरको तेलको फाइदाहरू र प्रयोग गर्ने तरिका बारेमा बताउँदै छौं ।

ओखरको तेलमा कोलिन, भिटामिन ‘ई’, ‘के’, फ्याटी एसिड, एन्टीअक्सिडेन्ट, जिंक तथा एन्टीमाइक्रोबियल जस्ता गुणहरू पाइन्छन् जसले विभिन्न  प्रकारले शरीरमा फाइदा गर्दछ ।

स्वस्थ मुटुका लागि

ओमेगा ३ फ्याटी एसिडले भरिपूर्ण ओखरको तेलले मुटुलाई स्वस्थ राख्न मद्दत गर्छ । यसले खराब कोलेस्ट्रोललाई कम गर्छ । ओखरको तेलले मुटुसँग जोडिएका रोगहरूको जोखिमलाई कम गर्दछ ।

चायाँ हटाउनका लागि

ओखरको तेलमा एन्टीफंगल गुण पाइन्छ जसले तपाईंको टाउकाको छाला सफा राख्ने काम गर्छ । यसले मालिस गरेमा चायाँबाट छुट्कारा पाउन सकिन्छ।

संक्रमणबाट राहत पाउन

ओखरको तेलले छालामा हुने संक्रमणबाट जोगाउँछ । यसले छाला चिलाउने, फोका उठ्ने, पोल्ने जस्ता समस्याहरूबाट छुट्कारा दिन्छ ।

तनाव कम गर्न

ओखरको तेलमा ओमेगा ३ फ्याडी एसिड हुने भएकाले यसले तनाव कम गर्न मद्दत गर्छ । साथै, मानसिक स्वास्थ्यलाई पनि राम्रो बनाउँछ । यसको सेवन गर्नाले दिमाग पनि तेज हुन्छ ।

हेमोग्लोबिन बढाउनका लागि

ओखरको तेलको नियमित सेवनले शरीरमा हेमोग्लोबिन (रगत) को मात्रा बढ्छ । यसमा पाइने म्याग्नेसियम लगायतका तत्वले रगतको संचालनलाई राम्रो बनाउँछ ।

एन्टी एजिंगबाट छुट्कारा पाउन

ओखरको तेलले मालिस गर्दा बढ्दो उमेरले छालामा देखिने समस्याहरूबाट छुट्कारा दिन्छ । र तपाईंको छाला सधैं जवान देखिनेछ ।

कपाल बढाउनका लागि

ओखरको तेलमा कपरको मात्रा पाइन्छ । जसले नयाँ कपाल उमार्न सहयोग गर्छ । यसमा आइरन पनि पाइन्छ जसले टाउकोमा हुने रक्तप्रवाहलाई राम्रो बनाउँछ र कपाल सुन्दर हुन्छ ।

ओखरको तेललाई प्रयोग गर्ने तरिका

– यसलाई खाना तथा सलादहरूमा प्रयोग गरेर सेवन गर्न सकिन्छ ।

– त्यस्तै, छालाको लागि थोरै तेल लगाएर मसाज गरेमा फाइदा हुन्छ ।

– कपालका लागि कपाल तथा टाउको र कपालको जराहरूमा तेल लगाएर हल्का हातले मसाज गर्दा फाइदा हुन्छ ।