एजेन्सी । यदी तपाईंले पहिला कहिल्यै एबीसी जुसको अर्थ थाहा पाउनुभएको छैन भने, यसको अर्थ हो एप्पल (स्याउ), बीटरुट (चुकन्दर) र क्यारोट (गाजर)बाट बनेको जुस ।
यो जुस फिटनेस मन पराउने व्यक्तिहरुको मनपर्ने जुस हो । किनकि यो जुस पिउँदा शरीर त स्वस्थ हुन्छ नै साथसाथै शरीरका खराब तत्वलाई बाहिर निकालेर डिटक्सको काम पनि गर्छ ।
यसले शरीरमा भित्री तथा बाहिरी सुन्दरता सबैलाई फाइदा गर्छ । अब जानौं यसका फाइदा तथा बनाउने विधिको बारेमा ।
एबीसी जुसमा कैयौं पौष्टिक तत्वहरु हुन्छन्, जस्तै : जिंक, पोटाशियम, भिटामिन ए, भिटामिन बि ६, भिटामिन सी आदि । जसले हाम्रो शरीरलाई धेरै किसिमबाट फाइदा पुर्याउँछ ।
यो जुसमा क्याल्सियम, कपर, आइरन तथा म्याग्नेशियम पनि पाइन्छ ।
एबीसी जुसका फाइदा
- यति धेरै पौष्टिक तत्वले भरिपूर्ण हुने भएकाले यो जुसले हाम्रो रोग प्रतिरोधात्मक क्षमता बढाउँछ । यो जुस पिउँदा शरीरमा सेतो रक्तकोषिका बढ्छन् ।
- शरीरमा चाहिने अत्यावश्यक पौष्टिक तत्वको कमीलाई पुरा गर्ने काम गर्छ ।
- शरीरलाई डिटक्स गर्ने काम गर्छ, जसले गर्दा शरीरमा नयाँ खालको चमक देखिन थाल्छ ।
- भिटामिन सी, ए, के, बी तथा ई जस्ता तत्वले बुढ्यौली हुन रोक्छ । साथै छाला कसिलो बन्ने भएकाले लामो समय जवान देखिन सकिन्छ ।
- यस जुसलाई पिउँदा कपाल पनि स्वस्थ हुन्छ किनकि यसमा आइरन, इलेक्ट्रोलाइट्स तथा पोटाशियम पाइन्छ । जसले गर्दा कपाल लामो, बाक्लो र बलियो हुन्छ ।
- सबैभन्दा महत्वपूर्ण यो जुस नियमित पिउने गरेमा तौल कम हुन्छ । कम क्यालोरी र फाइबर धेरै भएकाले यो जुस पिउँदा भोक लागिराख्ने समस्या हुँदैन । जसले गर्दा तपाईं अस्वस्थकर खानेकुराबाट बच्नुहुन्छ ।
- फाइबरको मात्रा राम्रो हुने भएकाले पाचनक्रिया राम्रो हुन्छ । कब्जियत, अपच जस्ता समस्या टाढै रहन्छन् ।
- एबीसी जुसले ब्लडमा भएको कोलेस्ट्रोललाई पनि कम गर्छ जसले गर्दा रक्तचाप सन्तुलनमा रहन्छ । त्यसैले मुटु सम्बन्धी रोग टाढै भाग्छन् ।
जुस बनाउन तरिका
सामग्री– १ मध्यमखालको रसिलो स्याउ, ठूलो आकारको गाजर, आधा चुकन्दर साथमा एक चिम्टी कालो नुन ।
विधि–
- स्याउलाई काट्ने, चुकन्दर र गाजरलाई ताछेर सफासँग धुने ।
- मिक्सरमा तीनै चीज राख्ने साथै तीनचौथाई कप पानी पनि राख्ने ।
- राम्रोसँग पिस्ने ।
- गिलासमा निकाल्नुहोस्, माथिबाट थोरै कालो नुन छर्किएर पिउनुहोस् ।
Facebook Comment
Comment