चुनावको समीक्षा गर्न मातहतका निकायलाई जसपा अध्यक्ष यादवको निर्देशन

नेपालभ्युज

काठमाडौं। जनता समाजवादी पार्टी नेपालका अध्यक्ष उपेन्द्र यादवले चुनावी समीक्षा गर्न मातहतका निकायलाई निर्देशन दिएका छन् । मंसिर चार गते सम्पन्न प्रतिनिधिसभा र प्रदेशसभा चुनावको समीक्षा गरी प्रतिवेदन बुझाउन प्रदेश तथा जिल्ला समन्वय समितिलाई निर्देशन दिएका हुन् ।

अध्यक्ष यादवले प्रदेश समिति, राष्ट्रिय समिति र जिल्ला समन्वय समितिहरूलाई पत्र लेखेर जिल्ला र निर्वाचन क्षेत्रस्तरीय समीक्षा बैठक राख्न भनेका छन् । निर्वाचन क्षेत्रका उम्मेदवारहरूलाई समेत राखेर विश्लेषणात्मक समीक्षा गरेर त्यसको प्रतिवेदन १५ दिनभित्र केन्द्रमा पठाउन भनिएको छ ।

जसपा र नेकपा एमालेसँग तालमेल गरेर चुनाव लडेको थियो । उसले प्रत्यक्षमा ७ सिट जितेको छ । तर पार्टीका केन्द्रीय अध्यक्ष उपेन्द्र यादवले नै हार व्यहोरेका छन् ।