मनसुन शनिबारदेखि बाहिरिने

नेपालमा उत्तरपूर्वी राजस्थानको आसपासमा रहेको न्यूनचापीय क्षेत्रको प्रभाव छ। यो वर्षको मनसुन अक्टोबर २ देखि नेपालबाट बाहिरिने अनुमान गरिए पनि आगामी शनिबार देखि बाहिरिने मौसम पूर्वानुमान महाशाखाको अनुमान छ।

नेपालभ्युज

काठमाडौं। नेपालमा उत्तरपूर्वी राजस्थानको आसपासमा रहेको न्यूनचापीय क्षेत्रको प्रभाव छ। यो वर्षको मनसुन अक्टोबर २ देखि नेपालबाट बाहिरिने अनुमान गरिए पनि आगामी शनिबार देखि बाहिरिने मौसम पूर्वानुमान महाशाखाको अनुमान छ।

वरिष्ठ मौसमविद् वरुण पौडेलका अनुसार आज सुदूरपश्चिम र कर्णाली प्रदेशमा भारी वर्षा हुने भएको छ। मौसम पूर्वानुमान महाशाखाका अनुसार यी प्रदेशका थोरै स्थानमा सोमबार भारी वर्षा र एक दुई स्थानमा धेरै भारी वर्षा हुने सम्भावना छ।

यी दुई प्रदेशका अन्य स्थानसहित सातै प्रदेशका केही स्थानमा मेघगर्जन र चट्याङसहित हल्का वर्षा हुने महाशाखाले जनाएको छ। सोमबार बिहान पनि प्रदेश १, लुम्बिनी, सुदूरपश्चिम र कर्णाली प्रदेशमा हल्कादेखि मध्यम वर्षा भएको छ।