कीभ। युक्रेनी सेनाले रुसी सेनाको कब्जामा रहेको खेरसनको दक्षिणी क्षेत्रको एउटा प्रमुख गाउँलाई आफ्नो नियन्त्रणमा लिएको दाबी गरेको छ । युक्रेनको रक्षा मन्त्रालयले ३५ औं समुद्री ब्रिगेडले गाउँम रहेको डेभिडिभ पुलमाथि युक्रेनी झण्डा फहराएको भिडियो पोस्ट गरेको छ ।
युक्रेनले दुई दिनमा थुप्रै गाउँ फिर्ता गरेको दाबी गरेपनि एउटा ठूलो गाउँ फिर्ता लिएको पुष्टि भएको बीबीसीले जनाएको छ । युक्रेनको उत्तरपूर्वी क्षेत्रमा रुसी सेनाहरू यसअघि नै पछि हट्न बाध्य भइसकेका छन्। दक्षिणबाट पनि उनीहरुलाई पछि धकेलिएको युक्रेनी दाबी छ ।
खेरसनमा युद्ध चलिरहेकै बेलामा रुसी राष्ट्रपति राष्ट्रपति पुटिनले चार वटा क्षेत्रलाई रुसमा गाभ्ने घोषणा गरेका थिए । पुटिनले रुसमा गाभिएको घोषणा गरेकै ठाउँहरुमा युक्रेन अहिले आक्रमण तिव्र बनाएको छ । रुसले अझै पनि दक्षिणमा रहेको क्षेत्रीय राजधानी खेरसन सहरलाई नियन्त्रणमा राखेको छ। तर युक्रेनी सेनाले आक्रमणलाई तिव्र बनाएका छन् । पछिल्लो ४८ घण्टामा युक्रेनी सेनाहरूले उत्तरका धेरै बस्तीहरूबाट रुसी सेनालाई पछि हट्न बाध्य बनाएको बताएका छन् ।
यसैबीच अमेरिकी राष्ट्रपति जो बाइडेनले मंगलबार युक्रेनी राष्ट्रपति भोलोदोमिर जेलेन्स्कीसँग कुरा गरेर अमेरिकाले रूसी विलयलाई कहिल्यै मान्यता नदिने आश्वासन दिएका छन् । बाइडेनले थप हतियार र आर्थिक सहयोगको पनि वाचा गरेका छन् ।
Facebook Comment
Comment