देशका धेरै ठाउँको मौसम सफा, केहि ठाउँमा हल्का वर्षा

जल तथा मौसम पूर्वानुमान महाशाखाका अनुसार अहिले देशभर आंशिक बदली रही मधेश प्रदेश, बागमती प्रदेश र प्रदेश एकका एक-दुई स्थानमा हल्का वर्षा भइरहेको छ।

नेपालभ्युज

काठमाडौं। आज देशका धेरै ठाउँको मौसम सफा रहने अनुमान छ । जल तथा मौसम पूर्वानुमान महाशाखाका अनुसार अहिले देशभर आंशिक बदली रही मधेश प्रदेश, बागमती प्रदेश र प्रदेश एकका एक-दुई स्थानमा हल्का वर्षा भइरहेको छ।

दिउँसो प्रदेश एक , मधेश प्रदेश, बागमती प्रदेश र गण्डकी प्रदेशमा आंशिक देखि सामान्य बदली रही बाँकी प्रदेशमा मौसम सफा र सामान्य बदली रहनेछ । प्रदेश एक, बागमती प्रदेश र गण्डकी प्रदेशका थोरै स्थानहरूमा र बाँकी प्रदेशहरूका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।

राती पनि देशभर आंशिक देखि सामान्य बदली रहनेछ। प्रदेश एक, मधेश प्रदेश र गण्डकी प्रदेशका थोरै स्थानहरूमा तथा बाँकी प्रदेशहरूका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।