काठमाडौं । काठमाडौं क्षेत्र नम्बर १ मा स्वतन्त्र उम्मेदवारी घोषणा गरेका पुकार बमले राष्ट्रिय स्वतन्त्र पार्टीको चुनाव चिह्न घण्टीबाट चुनाव लड्ने भएका छन् ।
रवी लामिछाने नेतृत्वको राष्ट्रिय स्वतन्त्र पार्टीले राष्ट्रिय स्वतन्त्र पार्टीभित्रको प्रारम्भिक निर्वाचनमा निर्वाचित भए पार्टी सदस्यता बिना नै चुनाव चिह्न घण्टी दिने सहमति भएपछि उनी घण्टीबाट चुनाव लड्न लागेका हुन् ।
उनले भने ‘राष्ट्रिय स्वतन्त्र पार्टीले प्रारम्भिक निर्वाचनबाट निर्वाचित भए पार्टीमा स्वतन्त्र रहने गरि ‘पार्टी सदस्यता बिना पनि’ आफ्नो चुनाव चिन्ह घण्टी निर्वाचन प्रयोजनका लागि मलाई पनि दिने भएको छ ।’
बमले राष्ट्रिय स्वतन्त्र पार्टीप्रति आभार प्रकट गर्दै राष्ट्रिय स्वतन्त्र पार्टीको तर्फबाट काठमाण्डौं १ लागि प्रस्तावित उम्मेदवारका रुपमा निशर्त पार्टीको प्रारम्भीक निर्वाचनमा सरिक हुने जानकारी दिए ।
Facebook Comment
Comment