रूसी आक्रमणविरुद्ध लुम्बिनीमा दीप प्रज्वलन

नेपालभ्युज

काठमाडौं। विश्व शान्तिका लागि रूसलाई तत्काल युद्ध रोक्न आह्वान गर्दै लुम्बिनीमा दीप प्रज्वलन गरिएको छ। मानव अधिकार तथा शान्ति समाजको आयोजनामा सम्पन्न दिप प्रज्वलनमा युद्धलाई निषेध र शान्ति प्रवर्द्धन गर्न सबैलाई आग्रह गर्नुका साथै हिमालय बचाउँन र नदी जोगाउन समेत आह्वान गरिएको थियो।

यस अभियानअन्तर्गत गण्डकी प्रदेशको माथिल्लो मुस्ताङ लोमानथाङ्गसहित लुम्बिनी, बागमती र कर्णाली प्रदेशका रूकुम पश्चिम, सल्यानसमेत गरी २० जिल्लाका २२ स्थानमा दर्जनौँ सभा सम्पन्न भएको थियो। अभियानको विभिन्न चरणमा शान्ति समाजका संस्थापक सभापति, सभापति, सल्लाहकारहरु र केन्द्रीय कार्यसमितिका पदाधिकारीहरूको सहभागिता थियो।

गत २१ चैतमा पाल्पाको तानसेनमा पनि विश्व शान्तिका लागि रूसलाई तत्काल युद्ध रोक्न आग्रह गर्दै दिप प्रज्वलन गरिएको थियो।