अस्ट्रेलियामा बाढीका कारण ११ को मृत्यु

एजेन्सी। अष्ट्रेलियाका पूर्वी राज्यहरुमा बाढीपहिरोबाट मृत्यु हुनेको संख्या बुधबार ११ पुगेको छ।

न्यू साउथ वेल्सको प्रहरीले बुधबार उक्त राज्यमा बाढीका कारण तेस्रो व्यक्तिको मृत्यु भएको पुष्टि गरेको छ।

बाढीका कारण राज्यकै सबैभन्दा बढी प्रभावित क्षेत्रमध्ये एक दक्षिण लिसमोरमा एक महिलाको शव भेटिएसँगै अष्ट्रेलियामा बाढीका कारण मृत्यु हुनेको संख्या ११ पुगेको हो।

बाढीका कारण मृत्यु हुनेमध्ये आठ व्यक्ति क्विन्सल्यान्ड राज्यका रहेका प्रहरीले पुष्टि गरेको छ। यसबीच, शहरको मुख्य पानीको स्रोत, दक्षिणपश्चिम सिड्नीको वारागाम्बा बाँधलाई बाढीले बगाइदिएको छ।

गत हप्तादेखि क्विन्सल्यान्ड र उत्तरी न्यू साउथ वेल्सलाई अत्यधिक वर्षापछिको बाढीले तहसनहस गरिरहेको र उक्त क्रम यस हप्ता जारी रहने मौसम पूर्वानुमान कार्यालयहरूले जनाएका छन्।

हन्टर र मेट्रोपोलिटन, इलवार्रा, दक्षिण तट र मध्य तथा दक्षिणी टेबलल्यान्ड्स जिल्लाका केही भागहरूमा भारी वर्षाद्वारा आउनसक्ने विपत्तिको पूर्वानुमान गरिएको छ।

ती क्षेत्रहरूमा आगामी ६ घण्टासम्ममा ८० देखि १२० मिलिमिटरसम्म वर्षा हुने सम्भावना रहेको बताइएको छ।