परराष्ट्रमन्त्री र भारतीय विदेशमन्त्रीबीच टेलिफोन वार्ता

काठमाडौं । परराष्ट्रमन्त्री डा. नारायण खड्का र उनका भारतीय समकक्षी एस जयशंकरबीच दुई देशबीचको आपसी सहकार्य र सम्बन्धबारे कुराकानी भएको छ।

परराष्ट्र मन्त्रालयका अनुसार उनीहरूबीच आज भएको टेलिफोन वार्तामा द्विपक्षीय सहकार्यका विविध क्षेत्रबारे छलफल भएको हो। विकास साझेदारी र कोरोना महामारीमा पनि नेपाल र भारतबीचको सहकार्य उल्लेखनीय रहेको कुराकानी भएको जनाइएको छ।

मन्त्रालयका अनुसार दुई देशबीच सहकार्यको दायरा अझ फराकिलो बनाउने सम्बन्धमा पनि छलफल भएको थियो। परराष्ट्रमन्त्री खड्का र भारतीय विदेशमन्त्री जयशंकरले नयाँ वर्षको शुभकामनासमेत आदानप्रदान गरेका थिए।

Just finished a New Year call with FM Dr. Narayan Khadka of Nepal.

Was an opportunity to recognize progress on so many fronts. Our Development Partnership and Covid collaboration have been noteworthy. Agreed to broaden the vistas of our cooperation.

— Dr. S. Jaishankar (@DrSJaishankar) January 6, 2022