दिल्लीमा आजदेखि रात्रिकालीन कर्फ्यु

नेपालभ्युज

काठमाडौं। कोरोनाभाइरसको नयाँ भेरियन्ट ओमिक्रोनाका संक्रमित बढेपछि राजधानी नयाँ दिल्लीमा आजदेखि रात्रिकालीन कर्फ्यु घोषणा भएको छ। राज्य सरकारले राति ११ बजेदेखि बिहान ५ बजेसम्म कर्फ्यु लगाउने निर्णय गरेको हो।

हालसम्म भारतमा ओमिक्रोन संक्रमितको संख्या ५७८ पुगेको छ, जसमध्ये सबैभन्दा बढी संक्रमण महाराष्ट्र र नयाँ दिल्लीमा देखिएको छ। भारतमा कुल सक्रिय संक्रमितको संख्या ७५ हजार ८४१ पुगेको छ।

ओमिक्रोनको बढ्दो संक्रमणलाई रोक्न केन्द्र सरकारले ठूला जमघट र कार्यक्रममा प्रतिबन्ध लगाउन प्रान्त सरकारलाई निर्देशन दिएको छ। योसँगै नयाँ दिल्ली र मुम्बईसहित केही शहरहरूमा नयाँ वर्षका कार्यक्रममा प्रतिबन्ध लगाइएको छ।