रोल्पामा बस दुर्घटना, ४ को घटनास्थलमै मृत्यु, ६ घाइते

नेपालभ्युज

दाङ। बिहीबार बेलुकी रोल्पामा बस दुर्घटना हुँदा चार जनाको घटनास्थलमै मृत्यु भएको छ। बस दुर्घटना हुँदा घटनास्थलमा तीन पुरुष र एक महिला गरी चार जनाको मृत्यु भएको रोल्पा प्रहरी कार्यालयले जनाएकाे छ।

६ जना घाइतेलाई उद्धार उपचारका लागि अस्पतालमा लगिएको छ। दाङको घोराहीबाट रोल्पाको थवाङतर्फ जाँदै गरेको ना ३ ख ५५१८ नम्बरको बस बेलुका साँढे ६ बजे माडी खोलामा दुर्घटना भएको हो। दुर्घटना स्थलभन्दा तीन किलो मिटर अगाडि रहेको प्रहरी चेक पोस्टका अनुसार बसमा १० जना यात्रु सवार रहेको बताइएको छ।