‘महाजात्रा’ले पहिलो हप्तामा कति कमायो ?

काठमाडौं । प्रदीप भट्टराईको लेखन तथा निर्देशन रहेको चलचित्र ‘महाजात्रा’ले बक्स अफिसमा राम्रो कमाई गरिरहेको छ ।

गत शुक्रबारदेखि हलमा लागेको फिल्म Mahajatra ले एक हप्तामा ६ करोड २४ लाख ग्रस कलेक्सन गरेको निर्माण कम्पनी षट्कोण आर्टसले जनाएको छ ।

फिल्म (Flim) ले रिलिज भएको पहिलो दिन नै १ करोड २३ लाखमाथिको ग्रस कलेक्सन गरेको थियो ।

देशभरका एकसय भन्दा बढी हलमा प्रदर्शनरत फिल्मले दोस्रो सातामा पनि राम्रो कमाई गर्ने अपेक्षा गरिएको छ ।

चलचित्रमा हरिवंश आचार्य (Haribansa Acharya), बिपिन कार्की (Bipin Karki), वर्षा राउत (Barsa Raut), रवीन्द्र सिंह बानियाँ (Rabindra Shing Baniya), रवीन्द्र झा (Rabindra Jha), दिव्य देव (Dibya Dev), आदि लगायतका कलाकारको अभिनय रहेको छ। निर्देशक प्रदीप भट्टराई (Pradip Bhattarai) ले निर्देशन गरेको चलचित्रका कार्यकारी निर्माता रवीन्द्र सिंह बानियाँ हुन्।

चलचित्रका निर्माताहरु म्याक्स दिपेश खत्री र यज्ञश्वर पौडेल हुन् भने चलचित्रको कथा निर्देशक भट्टराईले स्वयं लेखेका हुन्।