कुवेतमा सवारी दुर्घटनामा परी मृत्यु भएका तीनै जनाको शव नेपाल ल्याइने

नेपालभ्युज

काठमाडौं । कुवेतमा गाडीको ठक्करबाट मृत्यु भएका तीनै जनाको शव नेपाल ल्याइने भएको छ । पोस्टमार्टम तथा आवश्यक कानुनी प्रक्रिया पुरा गरेर उनीहरूको शव नेपाल ल्याउन लागिएको कुवेतस्थित नेपाली राजदुतावासले जनाएको छ ।

मंगलबार बिहान महबुला शहरको सिसाइड रोडमा कारको ठक्करबाट काठमाडौंको सानो भर्‍याङ्गका सुजन कार्की, अछामको पन्चदेवल विनायक नगरपालिका ५ का सुरतबहादुर कडायत, धनुषाका धिरज गुर्मछाने मगरको मृत्यु भएको थियो । उनीहरु पापाजोन कम्पनीमा कार्यरत थिए ।

हवालीमा बस्दै आएका कार्की र मगर सोमबार राति महबुला बस्ने साथी कडायतलाई भेट्न गएका थिए । मंगलबार बिहान ड्युटीका लागि आफ्नो कोठामा फर्किने क्रममा सुरत साथीहरुलाई बस चढाउन आएका थिए । सोही क्रममा कारले ठक्कर दिँदा तीनै जनाको घटनास्थलमै मृत्यु भएको हो ।