हेटौंडाको मानव आश्रमका दुई युवाको मृत्यु

नेपालभ्युज

काठमाडौं । मकवानपुरको हेटौंडास्थित एक मानव सेवा आश्रममा बस्दै आएका दुईजनाको मृत्यु भएको छ ।

प्रहरीका अनुसार आश्रममा बस्दै आएकी १९ वर्षकी पूजा मानव र २५ वर्षीय अमित विकको मृत्यु भएको हो ।

पूजालाई २०७६ सालमा बागलुङको सडकपेटीबाट उठाएर ल्याइएको थियो भने विकलाई मकवानपुरको बकैया– ३ हात्तिसुँडेस्थित बाटोबाट बेवारिसे अवस्थामा उद्धार गरी ल्याइएको थियो ।

पूजाको गत मंगलबार र अमितको बिहीबार बिहान मृत्यु भएको हो ।

जिल्ला प्रहरी कार्यालय मकवानपुरका प्रवक्ता एवम् डिएसपी लक्ष्मी भण्डारीका अनुसार उनीहरुको कालगतिले मृत्यु भएको हो ।

भण्डारीका अनुसार उद्धार गरी ल्याउँदा नै उनीहरूको स्वास्थ्य अवस्था कमजोर थियो ।