एजेन्सी । भारतको कोलकातामा वर्षको सबैभन्दा उत्साहित समय शुरु भइसकेको छ । कोलकाता इन्टरनेशनल फिल्म फेस्टिवल २०२३ को पर्खाई धेरैलाई हुन्छ । यसको सुरुआत पाँच डिसेम्बरमा भइसकेको छ ।
फिल्म फेस्टिवलको उद्घाटन समारोहमा सलमान खान, महेश भट्ट, अनिल कपूर, सोनाक्षी सिन्हा र शत्रुधन सिन्हा जस्ता कलाकार पुगेका थिए । यसक्रममा सलमान खानलाई पश्चिम बंगालकी मुख्यमन्त्री ममता बनर्जीसँग नृत्य गरेको देखियो ।
उद्घाटन समारोहमा सलमान खान र ममता बनर्जीको एउटा भिडिओ आएको छ । स्टेजमा सलमान, मुख्यमन्त्री ममतासँग नृत्य गर्न आग्रह गर्छन् । उनी पहिला त नृत्य गर्न मान्दिनन् तर पछि महेश भट्टले उनलाई उठाइहाल्छन् ।
सबै कलाकार मिलेर नृत्य गर्छन् । सलमान ममता एकसाथ नाँचेको देखिन्छन् ।
कोलकाता इन्टरनेशनल फिल्म फेस्टिवल २०२३ डिसेम्बर १२ सम्म चल्नेछ । यसमा भारतदेखि रोमानिया, मेक्सिको, जर्मनी, फ्रान्स सहित बंगलादेश र कजाकिस्तानका फिल्म पनि देखाइनेछन् ।
Facebook Comment
Comment