विश्वकप क्रिकेट: अस्ट्रेलियाको पहिलो जित, श्रीलंका पाँच विकेटले पराजित

यसअघिका दुई खेलमा लगातार पराजित रहेको अस्ट्रेलियाले जितका लागि २ सय १० रनको लक्ष्य पाएको थियो ।

नेपालभ्युज

काठमाडौं । अस्ट्रेलियाले एकदिवसीय विश्वकप क्रिकेट-२०२३ मा सोमबार पहिलो जित निकालेको छ । लखनऊमा भएको खेलमा अस्ट्रेलियाले श्रीलंकालाई पाँच विकेटले पराजित गर्दै पहिलो जित निकालेको हो ।

यसअघिका दुई खेलमा लगातार पराजित रहेको अस्ट्रेलियाले जितका लागि २ सय १० रनको लक्ष्य पाएको थियो । अस्ट्रेलियाले ५ विकेट गुमाएर ३५.२ ओभरमा २ सय १५ रन बनायो । अस्ट्रेलियाका लागि ओपनर मिचेल मार्सले ५२ रन र जोस इङलिसले ५८ रन जोडे ।

त्यसअगाडि पहिले ब्याटिङ गरेको श्रीलंकाले ४३.३ ओभरमा सबै विकेट गुमाएर २ सय ९ रन मात्र जोड्यो । श्रीलंकाका लागि ओपनर पाथुम निसन्काले ६१ र कुशल परेराले ७८ रनको योगदान गरे ।