अहिलेको डेंगुले लिन पनि सक्छ ज्यान, यस्ता लक्षणलाई नजरअन्दाज नगर्नुस्

एजेन्सी। विगत केही दिनयता काठमाडौंलगायत देशमा विभिन्न स्थानमा डेंगुको खतरा बढिरहेको छ । यो गम्भीर बिमारीले कतिपयको ज्यान पनि लिएको छ । डेंगु बढिरहेका बेला अहिले हुने खालको डेंगु अझै खतरा भएको स्वास्थ्य विशेषज्ञहरूले बताएका छन् ।

त्यसैले, डेंगुमा देखिने विभिन्न खाले लक्षणहरूलाई पहिचान गरी समयमै सतर्क हुनुहोस् । आज हामी त्यहीँ डेंगुमा देखिने लक्षणका बारेमा बताइरहेका छौं।

डेंगुका कारण शरीरमा एक सय डिग्रीभन्दा धेरै ज्वरो आउने, छालामा दाना आउने, वान्ता हुने तथा थकानजस्तो समस्या हुन सक्छ ।

हामी सबैलाई थाहा छ, डेंगुका कारण शरीरमा प्लेटलेट्स काउन्ट कम हुन्छ । तर, अहिलेको डेंगुमा कतिपयलाई प्लेटलेट्स कम भएपछि बिरामीलाई रक्तश्रावको समस्या पनि देखिन्छ ।

डेंगुका बिमारीका चारवटा स्टेसन यानि कि, प्रकार हुने गर्छन् । यी सबैमा सबैभन्दा खतरनाक डीईएनवी-२ हुने गर्छ । यो स्टेसनमा कतिपय अवस्थामा बिरामीको ज्यान पनि जाने गर्छ ।

यदि, तपाईंको शरीरमा माथि बताइएका लक्षण देखिएका छन् भने यसलाई सामान्य रूपमा लिएर आफैँ उपचार गर्न नथाल्नुहोस् । यस्तो स्थितिमा कुनै पनि दबाई वा भिटामिनहरू खानु नोक्सानदायक पनि हुन सक्छ । त्यसैले, डाक्टरको सल्लाह अवश्य लिनुहोस् ।

यदि, तपाईं डेंगुबाट बच्न चाहनुहुन्छ भने केही कुराहरूको ख्याल गर्न जरुरी हुन्छ । जस्तै, घरको वरिपरि पानी जम्न नदिने, झ्याल ढोका बन्द गर्ने, मच्छड मार्ने दबाईको प्रयोग गर्ने र शरीर पूर्णरूपमा ढाक्ने लुगा लगाउनु नै राम्रो हुन्छ ।