बझाङका मतपेटिका हवाइमार्गबाट सदरमुकाम ल्याउने तयारी, मतगणना आजै गरिने

नेपालभ्युज

बझाङका मतपेटिका हवाइमार्गबाट सदरमुकाम ल्याउने तयारी, मतगणना आजै गरिने

काठमाडौं । बझाङ्मा हिजो सम्पन्न निर्वाचनको मतपेटिकाहरु बिहान १० बजेसम्ममा मतगणना स्थलमा ल्याउने बताइएको छ ।

निर्वाचन आयोगले दुर्गममा रहेका मतदान केन्द्रबाट मतपेटिका हवाइमार्गबाट ल्याउने तयारी भइरहेको जनाएको छ ।

जिल्लाको साइपाल गाँउपालिकाका तीन स्थानका मतपेटिका हेलिकोप्टर मार्फत सदरमुकाम चैनपुर ल्याइने आयोगले बताएको छ ।

९३ मतदान केन्द्रमध्ये ९० मतदान केन्द्रको मत पेटिका सदरमुकाम चैनपुर ल्याइसकिएको निर्वाचन अधिकृतको कार्यालयले जनाएको छ।

अब विकट साइपाल क्षेत्रको काडा, धुली र यारङकुरीको मतपेटिका ल्याउनका लागि हेलिकप्टर तयारी अवस्थामा छ।

सबै मतपेटिका ल्याइसकेपछि आजै सर्वदलीय बैठक बसेर मतगणना गर्ने तयारी गरिएको छ । सबै ठाउँका मत पेटिका ल्याइसकेपछि आज दिउँसोदेखि मतगणना शुरू हुने जिल्ला प्रहरी कार्यालय बझाङका प्रमुख, प्रहरी नायव उपरीक्षक भरतबहादुर शाहले बताए ।

बझाङ प्रदेशसभा १ को उपनिर्वाचनमा ४९ दशमलव १२ प्रतिशत अर्थात् ३० हजार ३२८ जनाले मतदान गरेका छन् ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved