नेयमार साउदी क्लब अल हिलालमा आवद्ध, कति पाउँछन रकम ?

एजेन्सी। ब्राजिलका स्टार फुटबलर नेयमार साउदी अरेबियाको फुटबल क्लब अल हिलालमा आवद्ध भएका छन् ।

यस सम्बन्धमा अल-हिलाब क्लबले हिजो मंगलबार आधिकारिक घोषणा गरेको हो। समाचार एजेन्सी रोयटर्सका अनुसार नेमारले अल–हिलालसँग दुई वर्षको सम्झौता गरेका छन् ।

यसअघि नेयमार विगत ६ वर्षदेखि पेरिस सेन्ट जर्मेन क्लबमा थिए र अहिले यो क्लब छोडेर नेयमार अल–हिलालमा आबद्ध भएका छन् ।

रोयटर्सले लेखेको छ कि, ‘यो सम्झौता कति भयो भन्ने बारे आधिकारिक जानकारी छैन, तर रिपोर्टहरू छन् कि सम्झौता नौ करोड यूरोमा भएको छ।’

एउटा फ्रान्सेली अखबारले लेखेको छ कि दुई वर्षको लागि यो सम्झौताबाट नेयमारले कुल १६ करोड युरो प्राप्त गर्न सक्नेछन् ।

अल हिलाल क्लबले शेयर भिडियोमा नेयमार भन्छन्- म साउदी अरेबियामा छु, म हिलाली हुँ।

“मैले युरोपमा धेरै हासिल गरें र त्यहाँ धेरै विशेष समय बिताएँ, तर म सधैं विश्वव्यापी खेलाडी बन्न चाहन्थे,” नेयमारले मंगलबारको सम्झौता पछि भने, ‘नयाँ चुनौती र अवसरहरूमा आफूलाई परीक्षण गर्न चाहन्छु।’

नेयमारसँग सम्झौता गरेको अल हिलालले यसअघि क्रिस्टियानो रोनाल्डोलाई यो प्रस्ताव राखेको थियो तर रोनाल्डोले उक्त प्रस्ताव अस्वीकार गरेर अल-नासरसँग सम्झौतामा हस्ताक्षर गरेका थिए।

यसका लागि अल-नासर क्लबले रोनाल्डोलाई वार्षिक १८ करोड युरो तिरिरहेको छ ।