अछाममा मलामी बोकेको ट्याक्टर दुर्घटना, एक जनाको मृत्यु

नेपालभ्युज

सुर्खेत। अछामको पञ्चदेवल विनायक नगरपालिका–४ कालिकास्थान मोडमा मलामी बोकेर जाँदै गरेको ट्रयाक्टर दुर्घटना भएको छ । दुर्घटनामा एक जनाको मृत्यु भएको छ।

दुर्घटनामा परी पञ्चदेवल विनायक नगरपालिका–६ तोलीका बिर्ख विकको मृत्यु भएको छ । प्राप्त खबरअनुसार करिब १८ जनाभन्दा बढी गम्भीर घाइते भएको खबर प्राप्त भएको पञ्चदेवल विनयाक नगरपालिका वढा नं. ६ का वडा अध्यक्ष कमल रावलले बताए ।

‘उद्धारमा जुटिरहेको र घाइतेहरूलाई उपचारका लागि अन्यत्र पठाउन नगरपालिकासहित सम्बन्धित सबैबाट आवश्यक पहल र समन्वय भइरहेको छ ।’ उनले भने,‘ट्याक्टरको ब्रेक फेल भएको भन्ने सुनेको छु ।’